மகளிர் அணி பிரசாரக் குழு செயலாளராக கயல்விழி

சென்னை: திமுக மகளிர் அணி பிரசாரக் குழு செயலாளராக, மு.க.அழகிரியின் மகள் கயல்விழி அழகிரி நியமிக்கப்பட்டுள்ளார்.

இதுகுறித்து திமுக பொதுச் செயலாளர் க.அன்பழகன் வெளியிட்டுள்ள அறிக்கை:

தி.மு.க. தலைமைக் கழக நிர்வாகிகளாகவும், குழுத் தலைவர்களாகவும், செயலாளர்களாகவும், இணைச் செயலாளர்களாகவும், துணைச் செயலாளர்களாகவும், குழு உறுப்பினர்களாகவும் ஏற்கனவே அறிவிக்கப்பட்டவர்களுடன் தற்போது அறிவிக்கப்படுகிறவர்களும் இடம் பெறுவர்.

நெசவாளர் அணித் தலைவர் தங்கம் தென்னரசு; சட்டத் திருத்தக் குழு உறுப்பினர் ஆண்டிமடம் எஸ்.சிவசுப்பிரமணியம்; தீர்மானக்குழு உறுப்பினர்கள் மீ.ஆ.வைத்தியலிங்கம், முத்துசாமி; சொத்து பாதுகாப்புக் குழு உறுப்பினர்கள் நீலகிரி குண்டன், அய்யாவு;

இளைஞர் அணி துணைச் செயலாளர் அசன் முகமது ஜின்னா; மகளிர் அணி பிரசாரக் குழு செயலாளர்கள் கயல்விழி மு.க.அழகிரி, வசந்தி ஸ்டான்லி என தெரிவிக்கப்பட்டுள்ளது.