ஜப்பான்: கார் தயாரிப்பு நிறுவனங்களில் 25000 பேர் நீக்கம்!!

டோக்யோ: ஜப்பான் நாட்டின் 12 முன்னணி கார் தயாரிப்பு நிறுவனங்கள் 25 ஆயிரம் பேரை வேலை நீக்கம் செய்ய முடிவு செய்துள்ளன.

ஹோண்டா, சுசுகி, டொயோட்டா உள்ளிட்ட பெரும் நிறுவனங்கள் இதில் அடங்கும். பணியாளர்களைக் குறைப்பதோடு, தங்களின் மொத்த உற்பத்தி அளவையும் இந்த நிறுவனங்கள் குறைக்க முடிவு செய்துள்ளன. கார் விற்பனையில் ஏற்பட்டுள்ள மிகக் கடுமையான வீழ்ச்சியே இதற்குக் காரணம் எனத் தெரிகிறது.

இந்த வேலை நீக்கம் குறித்த அறிவிப்புகளை வரும் மார்ச் 31-ம் தேதிக்குள் அறிவித்துவிடுவதாக இந்த நிறுவனங்கள் தெரிவித்துள்ளன.

அமெரிக்காவின் பெரிய கார் யாரிப்பு நிறுவனங்கள் போர்டு, கிறிஸ்லர் மற்றும் ஜெனரல் மோட்டார்ஸ் போன்றவை ஏற்கெனவே ஒரு லட்சம் பணியாளர்கள் வரை குறைப்பதாக அறிவித்துள்ளன. நிறுவனங்களை மூடாமல் தொடர்ந்து நடத்த அரசின் உதவியையும் எதிர்பார்த்துக் காத்திருக்கின்றன.