For Quick Alerts
ALLOW NOTIFICATIONS  
For Daily Alerts
Oneindia App Download

பிரிட்டன்: வாகன தயாரிப்பு நிறுவனங்களுக்கு பெயில் அவுட்!

By Sridhar L
Google Oneindia Tamil News

லண்டன்: கார் தயாரிப்பு தொழில் ஆட்டம் கண்டுவரும் நிலையில், அதற்கு சரியான முட்டுக் கொடுக்க பலவித பேக்கேஜ்களை அறிவிக்கத் தயாராகிவிட்டது இங்கிலாந்து.

முதல் கட்டமாக 2.3 பில்லியன் பவுண்ட் அளவுக்கு சலுகையை அறிவித்துள்ளது பிரிட்டிஷ் அரசு.

இந்த சலுகைகளை இன்று அறிவித்துள்ள அரசு, தொழில்துறை முடங்கிவிடாமல் இருப்பதற்காக இன்னும் சில திட்டங்களையும் அறிவிக்கவிருப்பதாகக் கூறியுள்ளது.

பொருளாதார பின்னடைவு காரணமாக இங்கிலாந்தின் பல்வேறு கார் தயாரிப்பு நிறுவனங்களும் லட்சக்கணக்கான தொழிலாளர்களை நீக்கியது. உற்பத்தியை 70 சதவிகிதம் குறைத்துவிட்டன.

"இப்போது அறிவிக்கப்பட்டுள்ள சலுகையைக் கொண்டு மீண்டும் உற்பத்தியை பழைய நிலைக்கு நிறுவனங்கள் கொண்டு வரவேண்டும். பணிநீக்கம் செய்யப்பட்டுள்ள ஊழியர்களையும் திரும்ப அழைத்துக் கொள்ள வேண்டும். சுற்றுச் சூழலுக்கு பாதகம் ஏற்படுத்தாத 'பசுமை கார்களை' உற்பத்தி செய்ய கூடுதல் சலுகைகள் வழங்கப்படும்", என பிரிட்டன் வர்த்தகச் செயலாளர் பீட்டர் மண்டேல்சன் தெரிவித்துள்ளார்.

சமீபத்தில் 15 பில்லியன் டாலர் அளவுக்கு அமெரிக்காவும் தனது வாகன உற்பத்தித் துறைக்கு சலுகைகளை அளிக்க முடிவு செய்துள்ளது குறிப்பிடத்தக்கது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X