கருணாநிதியுடன் தங்கபாலு சந்திப்பு - முக்கிய ஆலோசனை

சென்னை: முதல்வர் கருணாநிதியை, காங்கிரஸ் தலைவர் தங்கபாலு இன்று சந்தித்து முக்கிய ஆலோசனை நடத்தினார்.

கடும் முதுகு வலி காரணமாக முதல்வர் கருணாநிதி போரூர் ராமச்சந்திரா மருத்துவமனையில் சிகிச்சை பெற்று வருகிறார்.

அவரை சமீபத்தில் காங்கிரஸ் தலைவர் தங்கபாலு, பாமக நிறுவனர் டாக்டர் ராமதாஸ் உள்ளிட்டோர் சந்தித்து நலம் விசாரித்தனர்.

இந்த நிலையில் இன்று மீண்டும் தங்கபாலு, முதல்வரை சந்தித்தார். அவருடன் சட்டமன்ற காங்கிரஸ் தலைவர் சுதர்சனமும் சென்றிருந்தார்.

முதல்வர் கருணாநிதியின் உடல் நலம் குறித்து விசாரித்தறிந்த தங்கபாலு பின்னர் தற்போதைய அரசியல் நிலவரம் குறித்தும், இலங்கைத் தமிழர் பிரச்சினை குறித்தும் பேசியதாக தெரிகிறது.