நெட்பிளிக்ஸ்: மந்தத்திலும் ஜோரான லாபம்!

கலிபோர்னியா: உலகமே நிதி நெருக்கடியிலும் பொருளாதார மந்தத்திலும் சிக்கித் தவிக்கும் இன்றைய சூழலில், பெரும்பாலான நிறுவனங்கள் நஷ்டம், லாக் அவுட் என புலம்பி வருகின்றன. ஆனால் இந்த நெருக்கடியிலும் ஒரு நிறுவனம் மட்டும் தனது நிதி நிலை மற்றும் லாபம் திருப்திகரமாக இருப்பதாகத் தெரிவித்துள்ளது.

அந்த நிறுவனம் நெட்பிளிக்ஸ். கடந்த 2008-ம் ஆண்டு இறுதியில் இந்நிறுவனத்துக்கு நல்ல லாபம் வந்ததாகவும், 2009-ம் ஆண்டில் மிகச்சிறப்பான வர்த்தகத்தை எதிர்பார்ப்பதாகவும் நெட்பிளிக்ஸ் தெரிவித்துள்ளது.

பொழுதுபோக்குத் துறையில் முக்கிய நிறுவனமாகத் திகழ்கிறது நெட்பிளிக்ஸ். ஆன்லைனில் திரைப்படங்களை வழங்குவதுதான் இந்நிறுவனத்தின் முக்கிய வர்த்தகம். உலகம் முழுக்க கிட்டத்தட்ட 90 லட்சம் சந்தாரர்களுடன் இயங்கும் பிரமாண்ட நிறுவனம் இது. உலகின் பல மொழிகளில் சூப்பர் ஹிட் திரைப்படங்களை ஆன்லைனில் வழங்கிவருகிறது நெட்பிளிக்ஸ். இதன் லைப்ரரியில் மட்டும் சுமார் 1 லட்சத்துக்கும் அதிகமான படங்களின் டிவிடிகள் உள்ளன.

இந்த ஆண்டில் தனது வாடிக்கையாளர்எண்ணிக்கை 90 லட்சத்திலிருந்து 1 கோடியே 3 லட்சம் வரை உயரக்கூடும் என எதிர்பார்க்கிறது நெட்பிளிக்ஸ்.

இந்த நிறுவனத்தின் லாபம் இந்த நான்காவது காலாண்டில் மட்டும் 359 மில்லியன் டாலராக உயர்ந்துள்ளது. இது எதிர்பார்த்தை விட 5 மில்லியன் டாலர் அதிகம் என்கிறார் நெட்பிளிக்ஸ் நிறுவனத் தலைவர் ரீட் ஹேஸ்டிங்ஸ்.

சினிமா செய்யும் அதிசயம் இது!