பணவீக்கம் 5.07% ஆக குறைந்தது!

டெல்லி: இந்தியாவின் பணவீக்க விகிதம் கடந்த 12 மாதங்களில் இல்லாத அளவுக்கு குறைந்துள்ளது. ஜனவரி 24-ம் தேதியோடு முடிவடைந்த வாரத்தின் மொத்த விற்பனை விலைக் குறியீட்டெண்படி பணவீக்கம் 5.64 சதவிகிதத்திலிருந்து 5.07 சதவிகிதமாகக் குறைந்துள்ளது.

ராய்டர்ஸ் உள்பட பல ஏஜென்ஸிகள் கணித்ததை விட மிக வேகமாக பணவீக்கம் குறைந்திருப்பது குறிப்பிடத்தக்கது என நிதித்துறை கருத்து தெரிவித்துள்ளது.

அதேநேரம், கடந்த நவம்பர் 29-ம் தேதியோடு முடிவடைந்த ஆண்டுக்கான பணவீக்க விகிதம் 7.86 ஆக இருந்துள்ளது.

நடைமுறை விலைகளைப் பொறுத்தவரை எந்த மாற்றமும் ஏற்படவில்லை.

பெட்ரோலியப் பொருட்களுக்கான விலைக் குறைக்கப்பட்ட பிறகுகூட, விலை நிலைகளில் எந்த மாற்றமும் ஏற்படவில்லை.

சில நடைமுறைக் காரணங்களால் இந்த நிலை உள்ளதாகவும், நீண்ட கால அடிப்படையில்தான் பணவீக்கம் பற்றிக் கணிக்க முடியும் என்றும் நிதித்துறை அறிவித்துள்ளது.