கோன் பனேகா குரோர்பதியை வாங்கிய சோனி!

ஸ்டார் ப்ளஸ் டிவியிடமிருந்து சோனிக்கு கைமாறியிருக்கிறது புகழ்பெற்ற கோன் பனேகா குரோர்பதி நிகழ்ச்சி.

கடந்த எட்டு வருடங்களாக இந்த நிகழ்ச்சியை ஒளிபரப்பும் உரிமையை வைத்திருந்தது ஸ்டார் ப்ளஸ். மூன்று பாகங்களாக நடத்தப்பட்ட கோன் பனேகா குரோர்பதி நிகழ்ச்சி அதன் மதிப்பை இழந்து விட்டதாகவும், நான்காவது பாகம் நடத்துவதால் பெரிய வரவேற்பை கிடைக்காது என்றும் ஸ்டார் டிவி தெரிவித்திருந்தது. எனவே அதன் உரிமையைப் புதுப்பிக்காமல் விட்டுவிட்டது.

இப்போது இந்த நிகழ்ச்சியை மேலும் புதுப்பொலிவுடன் தர முடிவு செய்துள்ளது சோனி. இந்த நான்காம் பாகத்தை, முதல் மூன்று பாகங்களை விட அசத்தலாகத் தரப்போவதாக சோனி அறிவித்துள்ளது.

இன்னொரு பெரிய டீலையும் சத்தமில்லாமல் முதடித்துள்ளது சோனி. உலகப் புகழ் பெற்றுவிட்ட ஸ்லம்டாக் மில்லியனர் திரைப்படத்தின் ஆங்கிலம் மற்றும் இந்தி சாட்டிலைட் உரிமையையும் பெற்றுள்ளது சோனி. கோன்பனேகா நிகழ்ச்சியைத் துவங்கும் முன் இந்தப் படத்தை வெளியிட்டு நான்காம் பாகத்துக்கு முன்னோட்டம் தரத் திட்டமிட்டுள்ளனர்.

கோன் பனேகா குரோர்பதி நிகழ்ச்சியை மைப்படுத்தி எடுக்கப்பட்டு பெறும் வெற்றி பெற்றுள்ள படம்தான் இந்த ஸ்லம்டாக் மில்லியனேர். இப்படத்தில் கோன் பனேகா... நிகழ்ச்சியை நடத்துபராக நடித்தவர் அனில் கபூர். எனவே கோன் பனேகா க்ரோர்பதியின் நான்காம் பாகத்தை அவரே நடத்துவார் என கூறப்படுகிறது.

அமிதாப்பும், ஷாரூக்கானும் பெற்ற வெற்றிகளை அனில்கபூர் பெறுவாரா? பார்க்கலாம்