வைட்& மாக்கே நிறுவன பங்குகளை விற்கிறார் மல்லையா!

பெங்களூரு: ஸ்காட்லாந்தின் விஸ்கி தயாரிப்பு நிறுவனமான வைட் அண்டு மாகே (W&M)யில் உள்ள தனது முதலீட்டில் 49 சதவீதத்தை விலக்கிக் கொள்ள முடிவு செய்துள்ளது விஜய் மல்லையாவின் யுனைடட் ஸ்பிரிட்ஸ்.

கடந்த 2007-ம் ஆண்டு இந்நிறுவனத்தில் ரூ.4,800 கோடி வரை முதலீடு செய்தது யுனைடட் ப்ரூவரிஸ் நிறுவனத்தின் யுனைடட் ஸ்பிரிட்ஸ் பிரிவு.

ஆனால் இப்போது யுனைடட் ஸ்பிரிட்ஸ் நஷ்டத்திலும் கடனிலும் தவிக்கிறது. இப்போது அந்த நிறுவனத்துக்குள்ள கடன் அளவு ரூ.7,100 கோடி. கிங் பிஷ்ஷர் விமான நிறுவனத்தை தொடங்கியதாலும் கடும் நிதி நெருக்கடியில் உள்ளார் மல்லையா.

இதைச் சரிகட்டவும், கூடுதல் முதலீட்டைத் திரட்டவும், வெளிநாட்டு விஸ்கி தயாரிப்பு நிறுவனங்களில் உள்ள தனது முதலீட்டை விலக்கிக் கொள்ள முடிவு செய்துள்ளார் விஜய் மல்லையா.

மேலும் உலக அளவில் ஸ்காட்ச் உற்பத்தியில் முதலிடம் வகிக்கும் டயாகோ நிறுவனத்திலிருந்தும் தனது 38 சதவிகிதம் வரை விலக்கிக் கொள்ள முடுவு செய்துள்ளார். இதனால் பெருமளவு கடன் சுமை குறையும் என எதிர்பார்க்கிறார்.

இந்த நடவடிக்கைகள் மூலம் ரூ.1500 கோடி வரை முதலீட்டை திரட்ட முடியும் என திட்டமிட்டுள்ளார் மல்லையா.