மாஜி அதிமுக எம்எல்ஏ தவசிக்கு ஓராண்டு சிறை

சென்னை: சொத்துக் குவிப்பு வழக்கில் முன்னாள் அதிமுக எம்.எல்.ஏ. தவசிக்கு ஒரு ஆண்டு சிறைத் தண்டனை விதிக்கப்பட்டுள்ளது.

மதுரை மாவட்டம் உசிலம்பட்டி தொகுதியில் அதிமுக சார்பி்ல 1991-ம் ஆண்டு முதல் 96-ம் ஆண்டு வரை உறுப்பினராக இருந்தவர் தவசி.

இவர் மீதும், இவரது மனைவி சகுந்தலா மீதும் வருமானத்துக்கு அதிகமாக ரூ.25 லட்சம் சொத்து சேர்த்ததாக லஞ்ச ஒழிப்பு போலீசார் சென்னை தனி நீதிமன்றத்தில் வழக்கு தொடர்ந்தனர்.

நீதிபதி மனோகரன் வழக்கை விசாரித்து வந்தார். இந்த நிலையில் குற்றச்சாட்டு நிரூபிக்கப்பட்டதால் தவசி மற்றும் அவரது மனைவி சகுந்தலாவுக்கு தலா ஒரு ஆண்டு கடுங்காவல் தண்டனை விதிக்கப்படுவதாக நீதிபதி தீர்ப்பளித்தார்.

இதுதவிர தவசிக்கு ரூ.10 ஆயிரமும், அவரது மனைவி சகுந்தலாவுக்கு ரூ.5 ஆயிரமும் அபராதம் விதித்தும் நீதிபதி உத்தரவிட்டார்.