பணவீக்கம் 3.36 சதவீதமாக சரிந்தது!

டெல்லி: இந்தியப் பணவீக்கம் இதுவரை இல்லாத அளவு மிகவும் குறைந்துவிட்டது. பிப்ரவரி 14-ம் தேதியோடு முடிந்த வாரத்தில் இந்தியாவின் பணவீக்கம் 3.36 சதவீதமாகக் குறைந்துள்ளது.
இதற்கு முந்தைய வாரத்தில் 3.92 சதவீதமாக இருந்தது.

மொத்த விலைக் குறியீட்டெண் அடிப்படையில் கணக்கிடப்படும் இந்தியப் பணவீக்கம், கடந்த ஆண்டு இதே காலகட்டத்தில் 5.66 சதவீதமாக இருந்தது. பின்னர் இதுவே ஒரு கட்டத்தில் 13 சதவீதம் வரை உயர்ந்தது நினைவிருக்கலாம்.

மொத்த விலைக் குறியீட்டெண் கணக்குப் படி அனைத்து பொருட்களின் விலையும் 0.1 சதவீதம் வரை குறைந்துள்ளதாக மத்திய நிதி அமைச்சகம் அறிவித்துள்ளது.