For Daily Alerts
Just In
ரூபாயின் மதிப்பு படுவீழ்ச்சி!
அமெரிக்க டாலருக்கு நிகரான இந்திய ரூபாயின் வீழ்ச்சி மேலும் தொடர்கிறது. முன்னெப்போதுமில்லாத அளவுக்கு 1 டாலரின் இந்திய மதிப்பு ரூ.52 ரூபாயாகிவிட்டது.
நேற்று டாலருக்கு நிகரான ரூபாயின் மதிப்பு ஒரு கட்டத்தில் ரூ.52.20 எனக் கீழிறங்கிவிட்டது. இதுவரை நாட்டின் அன்னியச் செலாவணி வர்த்தகத்தில் இல்லாத அளவுக்கு மகாமோசமான நிலை நேற்று நிலவியது.
ஆசியாவின் இதர நாட்டு நாணய மாற்று வீதங்களும் கணிசமாக வீழ்ச்சி கண்டு வருவதால், வேறு வழியின்றி ரூபாயின் மதிப்பும் குறைந்து வருவதாக அனைத்து வங்கிகள் நாணய மாற்றுத் துறை அறிவித்துள்ளது. ஆனால் இந்தப் போக்கு நிரந்தரமல்ல என்றும் விரைவில் ரூபாய் மதிப்பு சீரடையும் என்றும் கூறப்பட்டுள்ளது.
இன்றைய வர்த்தக நேர முடிவில் டாலருக்கு நிகரான இந்திய ரூபாய் மதிப்பு 51.98 ஆக இருந்தது.
Comments
Story first published: Wednesday, March 4, 2009, 17:41 [IST]