விஜிபி நிறுவன அலுவலகங்கள், வீடுகளில் வருமான வரி சோதனை?

சென்னை: புகழ் பெற்ற விஜிபி குழுமத்தின் அலுவலகங்கள், அதன் பங்குதாரர்களின் வீடுகளில் வருமான வரி சோதனை நடந்துள்ளதாக கூறப்படுகிறது. இருப்பினும் இதுகுறித்ுத வருமான வரித்துறை தரப்பி்ல் அதிகாரப்பூர்வமாக எந்தத் தகவலும் இல்லை.

சென்னை சைதாப்பேட்டையில் விஜிபி குழும பங்குதாரர்களின் வீடுகள் உள்ளன. செவ்வாய்க்கிழமை இரவு முதல் விடிய விடிய இங்கு சோதனை நடந்ததாக தெரிகிறது. 10க்கும் மேற்பட்ட அதிகாரிகள் இதில் ஈடுபட்டதாக கூறப்படுகிறது.

அதேபோல, சைதாப்பேட்டையி்ல் உள்ள விஜிபி ஸ்கொயர் அலுவலகம், அண்ணா சாலையில் உள்ள விற்பனை அங்காடி உள்ளிட்டவற்றிலும் சோதனை நடந்துள்ளதாக தெரிகிறது.

தற்போது சென்னை மற்றும் பெங்களூரில் உள்ள விஜிபி குழுமத்தின் பொழுதுபோக்கு பூங்கா, ரியல் எஸ்டேட், தங்கம் மற்றும் நிதி நிறுவனங்கள் ஆகியவற்றில் சோதனை
நடந்து வருவதாகவும் கூறப்படுகிறது.

சோதனை குறித்து இதுவரை வருமான வரித்துறை தரப்பில் எந்தவித அதிகாரப்பூர்வமான செய்தியும் வெளியிடப்படவில்லை.