உயர்நீதிமன்ற தலைமை நீதிபதி ஹேமந்த் கோகலே 9ம் தேதி பதவியேற்பு

சென்னை: சென்னை உயர்நீதிமன்றத்திற்குப் புதிதாக நியமிக்கப்பட்டுள்ள தலைமை நீதிபதி ஹேமந்த் லட்சுமண் கோகலே வரும் திங்கள்கிழமை பதவியேற்கிறார். அவருக்கு ஆளுநர் பர்னாலா பதவிப்பிரமாணம் செய்து வைப்பார்.

சென்னை உயர்நீதிமன்றத்தின் தலைமை நீதிபதியாக இருந்த ஏ.கே.கங்குலி சில மாதங்களுக்கு முன்பு உச்சநீதிமன்ற நீதிபதியாக பதவி உயர்வு பெற்றார்.

இதையடுத்து மூத்த நீதிபதி முகோபாத்யாயா தற்காலிக தலைமை நீதிபதி பதவியை வகித்து வருகிறார். இந்த நிலையில் சமீபத்தில் உயர்நீதிமன்ற புதிய தலைமை நீதிபதியாக முகோபாத்யாயா அறிவிக்கப்பட்டார்.

அவர் வருகிற திங்கள்கிழமை பதவியேற்கிறார்.

2007ம் ஆண்டு மார்ச் 7ம் தேதியில் இருந்து அலகாபாத் உயர்நீதிமன்ற தலைமை நீதிபதியாக இருந்து வரும் கோகலே, அப்பதவியில் இருந்து சென்னை உயர்நீதிமன்ற தலைமை நீதிபதியாக மாற்றப்பட்டுள்ளார்.

பதவியேற்ற பின்னர் வக்கீல்கள் - போலீஸ் மோதல் குறித்த வழக்கை விசாரிக்கும் 3 நீதிபதிகள் அடங்கிய பெஞ்ச்சை கோகலே அறிவிப்பார் எனத் தெரிகிறது.