சென்னை-அவசரமாக தரையிறங்கிய விமானம்

சென்னை: சென்னையில் இருந்து ஹைதராபாத் சென்ற விமானம் புறப்பட்ட சில நிமிடங்களில் தொழில்நுட்ப கோளாறு காரணமாக மீண்டும் சென்னையில் அவசரமாக தரையிறங்கியது.

சென்னை விமான நிலையத்தில் இருந்து இன்று காலை 6.50 மணிக்கு பாராமவுண்ட் ஏர்வேஸ் விமானம் ஹைதராபாத் புறப்பட்டது.

32 பயணிகளுடன் புறப்பட்ட அந்த விமானத்தில் தொழில்நுட்ப கோளாறு ஏற்பட்டிருப்பது கிளம்பிய சில நிமிடங்களிலே கண்டுபிடிக்கப்பட்டது. இதையடுத்து விமானம் மீண்டும் சென்னையில் தரையிறங்கியது.

அந்த விமானத்தில் இருந்த பயணிகள் ஹைதாராபாத் செல்ல தயாராக இருந்த மற்ற விமானங்களில் அனுப்பப்பட்டனர்.