அமைச்சர் கே.என். நேருவுக்கு கொலை மிரட்டல்!

திருச்சி: தமிழக போக்குவரத்து துறை அமைச்சர் கே.என்.நேருவுக்கு கொலை மிரட்டல் கடிதம் வந்துள்ளது.

தமிழக போக்குவரத்து துறை அமைச்சராகவும், திருச்சி திமுக மாவட்ட செயலாளராகவும் உள்ள நேருவுக்கு கடந்த சில தினங்களுக்கு முன்பு மர்ம கடிதம் ஒன்று வந்துள்ளது.

அதில் அமைச்சர் நேருவை பற்றி மிகவும் ஆபாசமாகவும், இழிவாகவும் எழுதப்பட்டிருந்தது. அவரை கொலை செய்யப் போவதாகவும் மிரட்டல் விடுக்கப்பட்டிருந்தது.

கடிதத்தில் அனுப்பியவர் முகவரியில் சந்திரசேகரன், ஒன்றியச் திமுக செயலாளர், மணிகண்டம் என்று குறிப்பிடப்பட்டிருந்தது.

இதையடுத்து நேரு, சந்திரசேகரனிடம் நேரடி விசாரணை நடத்தினார். ஆனால், இதில் தனக்குத் தொடர்பில்லை என்று அவர் கூறிவிட்டடார்.

இதைத் தொடர்ந்து திருச்சி போலீசார் ரகசிய விசாரணை நடத்தி வருகின்றனர்.