திமுகவிடம் 6 தொகுதிகளை கேட்போம் - தமுமுக

கும்பகோணம்: மக்களவை தேர்தலில் திமுக கூட்டணியில் 6 தொகுதிகள் கேட்போம் என்று தமுமுக தலைவர் ஜவஹாருல்லாஹ் தெரிவித்துள்ளார்.

இது குறித்து கும்பகோணத்தில் தமுமுக தலைவர் ஜவஹாருல்லாஹ் செய்தியாளர்களிடம் கூறுகையில்,

மனித நேய மக்கள் கட்சிக்கு மக்கள் மத்தியில் நல்ல வரவேற்பு உள்ளது.

திமுக தலைவரும், தமிழக முதல்வருமான கருணாநிதியை நாளை எங்கள் கட்சி நிர்வாகிகளுடன் சந்திக்க உள்ளேன்.

பாராளுமன்றத் தேர்தலில் தென்காசி, மயிலாடுதுறை, வேலூர், ராமநாதபுரம், மத்திய சென்னை, திருச்சி, ஆகிய 6 தொகுதிகளை கேட்போம். இதில் கணிசமான தொகுதிகளை திமுக ஒதுக்கும் என்று எதிர்பார்க்கின்றோம்.

தேர்தலில் தேர்தல் ஆணையம் வழங்கும் சின்னத்தில் போட்டியிடுவோம் என்றார்.