நெருக்கடியில் செவர்ஸ்டல் ஸ்டீல் நிறுவனம்

மாஸ்கோ: ரஷ்யாவின் முதல்நிலை ஸ்டீல் நிறுவனமான செவர்ஸ்டல் ஸ்டீல் மிகுந்த நிதி நெருக்கடிக்கு உள்ளாகிவிட்டதால், அதன் அமெரிக்க கிளைகள் அனைத்தும் தற்காலிகமாக ஆனால் மறு திறப்பு தேதி குறிப்பிடப்படாமல் மூடப்படுகின்றன.

மேலும் நிறுவனத்தின் ரஷ்ய தொழிற்சாலைகளில் பணியில் உள்ளவர்களில் 9500 பணியாளர்களை உடனடிப் பணிநீக்கம் செய்யவும் முடிவு செய்யப்பட்டுள்ளது.

இதுகுறித்து செவர்ஸ்டல் நிறுவன தலைவர் அலெக்ஸி மார்தோஸ்தோவ் கூறுகையில், இப்போதைக்கு வேறு வழி தெரியவில்லை. எனவே முதல் கட்டமாக அமெரிக்காவில் உள்ள எங்களின் அனைத்து தொழிற்சாலைகளையும் மூடுகிறோம். மேலும் இங்குள்ள பணியாளர்கள் அனைவரையும் நீக்கியுள்ளோம். அடுத்து, ரஷ்யாவில் உள்ள தொழிற்சாலைகளில் கூடுதலாகப் பணியில் உள்ள 9 ஆயிரம் தொழிலாளர்களையும் நீக்க முடிவு செய்துள்ளோம்.

இப்போதைக்கு எங்கள் முன் உள்ள பெரும் சவால், நிறுவனத்தைத் தக்க வைத்துக் கொள்வதுதான். நிறுவனம் சரியான பிறகு மற்றதைப் பார்த்துக் கொள்ளலாம்..., என்கிறார் மார்தோஸ்தோவ்.