மக்களவை தொகுதி அறிமுகம்-20: கோவை

கோயம்பத்தூர்: தமிழகத்தின் முக்கிய தொகுதிகளில் ஒன்று கோயம்பத்தூர்.

தமிழகத்தில் இதுவரை அதிமுக வெற்றி பெறாத தொகுதிகளி்ல் ஒன்று கோயம்பத்தூர்.

காங்கிரஸ் கட்சிக்குத்தான் இங்கு அதிக முறை (5) வெற்றி கிடைத்துள்ளது. அக்கட்சியின் சி.கே.குப்புசாமி இங்கு மூன்று முறை வெற்றி பெற்றுள்ளார்.

அவரது உறவினரான சி.பி.ராதாகிருஷ்ணன் பாஜக சார்பில் இருமுறை இத்தொகுதியின் எம்.பி ஆகியுள்ளார்.

காங்கிரஸுக்கு அடுத்து இத்தொகுதியை அதிக முறை வென்ற கட்சி சிபிஐ. இக்கட்சிக்கு இங்கு நான்கு முறை வெற்றி கிடைத்துள்ளது. தற்போதைய எம்.பி. சுப்பராயனும் கூட இந்திய கம்யூனிஸ்ட் கட்சியைச் சேர்ந்தவர்தான்.

மற்றபடி திமுகவுக்கு இரு முறையும், சிபிஎம் ஆகிய கட்சிகளுக்கு தலா ஒரு முறையும் கோவை மக்கள் வாக்களித்துள்ளனர்.

அதிமுகவுக்கு இதுவரை இங்கு வெற்றிக் கனியை சுவைக்கும் வாய்ப்பை மக்கள் தரவில்லை.

தொகுதி மறு சீரமைப்பின் கீழ் கோவை தொகுதியில் மாற்றங்கள் மேற்கொள்ளப்பட்டுள்ளன.

இத்தொகுதியின் கீழ் இருந்த முன்னாள் சட்டசபைத் தொகுதிகள் - சிங்காநல்லூர், கோவை மேற்கு, கோவை கிழக்கு, பேரூர், பல்லடம், திருப்பூர்.

இதில் பேரூர், திருப்பூர் ஆகியவை தற்போது இல்லை. சூலூர், கவுண்டம்பாளையம் ஆகியவை புதிதாக உருவாக்கப்பட்டுள்ள ட்டசபைத் தொகுதிகள் ஆகும்.

தற்போது உள்ள புதிய சட்டசபை தொகுதிகள் - பல்லடம், சூலூர், கவுண்டம்பாளையம், கோவை வடக்கு, கோவை தெற்கு, சிங்காநல்லூர்.

தென்னிந்தியாவின் மான்செஸ்டர் எனப்படும் கோவை, தொழிலாளர்கள் நிரம்பிய தொகுதி. எனவே இத்தொகுதியை கம்யூனிஸ்ட் கட்சிகள் தங்களுக்கு ஒதுக்குமாறு ஒவ்வொரு முறையும் கேட்பது வழக்கம்.

கடந்த சட்டசபைத் தேர்தலில் கோவை எம்.பி தொகுதிக்குட்பட்ட சட்டசபைத் தொகுதிகள் பெரும்பாலானவற்றை அதிமுகவே வென்றது.

பல்லடம், சிங்காநல்லூர், பேரூர், கோவை மேற்கு ஆகிய தொகுதிகளை அதிமுக வென்றது. கோவை கிழக்கை திமுகவும், திருப்பூரை மார்க்சிஸ்ட் கட்சியும் வென்றன.

கோவை தொகுதி (பழையது) சட்டசபை உறுப்பினர்கள்..

சிங்காநல்லூர் - சின்னச்சாமி (அதிமு)
கோவை மேற்கு - தா.மலரவன் (அதிமுக)
கோவை கிழக்கு - பொங்கலூர் பழனிச்சாமி (திமுக)
பல்லடம் - செ.ம. வேலுச்சாமி (அதிமுக)
பேரூர் - எஸ்.பி. வேலுமணி (அதிமுக)

கடந்த தேர்தல் நிலவரம்

கே.சுப்பராயன் (சிபிஐ) - 5,04,981.
சி.பி.ராதாகிருஷ்ணன் (பாஜக) - 3,40,476.
வெற்றி வித்தியாசம் - 1,64,505 வாக்குகள்.

இதுவரை வெற்றி பெற்றவர்கள்

1952-57 - ராமலிங்க செட்டியார் - காங்கிரஸ்.
1957-62 - பார்வதி கிருஷ்ணன் - சிபிஐ
1962-67 - ராமகிருஷ்ணன் - காங்கிரஸ்.
1967-71- கே.ரமணி - சிபிஎம்.
1971-77 - பார்வதி கிருஷ்ணன் - சிபிஐ.
1977-80 - பார்வதி கிருஷ்ணன் - சிபிஐ.
1980-84 - இரா.மோகன் - திமுக.
1984-89 - சி.கே.குப்புசாமி - காங்கிரஸ்.
1989-91 - சி.கே.குப்புசாமி - காங்கிரஸ்.
1991-96 - சி.கே.குப்புசாமி - காங்கிரஸ்.
1996-98 - ராமநாதன் - திமுக.
1998-99 - சி.பி. ராதாகிருஷ்ணன் - பாஜக.
1999-04 - சி.பி. ராதாகிருஷ்ணன் - பாஜக.
2004- கே.சுப்பராயன் - சிபிஐ.

முதல் தேர்தல்

நடந்த ஆண்டு - 1952
வென்றவர் - ராமலிங்க செட்டியார் (காங்கிரஸ்).