அத்வானியுடன் முகேஷ் அம்பானி திடீர் சந்திப்பு

டெல்லி: தீவிர காங்கிரஸ் ஆதரவாளராக கருதப்படும் தொழிலதிபர் முகேஷ் அம்பானி, பாஜக தலைவர் அத்வானியை சந்தித்துப் பேசியுள்ளார்.

தீவிர காங்கிரஸ் ஆதரவாளராக கருதப்படுபவர் முகேஷ் அம்பானி. இந்த நிலையில் நேற்று அவர், பாஜக பிரதமர் வேட்பாளர் அத்வானியை சந்தித்து அரை மணி நேரம் பேசினார். என்ன பேசினார்கள் என்ற விவரம் வெளியிடப்படவில்லை. இருப்பினும் தொழிலதிபர்களை சந்திக்கும் அத்வானியின் திட்டத்தில் இதுவும் ஒன்று. வழக்கமான ஒன்றுதான் என பாஜக வட்டாரம் தெரிவித்துள்ளது.

கடந்த ஆண்டு அனில் அம்பானி, குமாரமங்கலம் பிர்லா, இந்திய தொழில் அதிபர்கள் அனில் அம்பானி, ராகுல் பஜாஜ் உள்ளிட்ட தொழிலதிபர்களுடன் அத்வானி ஆலோசனை நடத்தினார் என்பது நினைவிருக்கலாம். இந்த நிலையில் முக்கியமான முகேஷ் அம்பானி நேற்று அத்வானியை சந்தித்துள்ளார்.