திமுக-பாமக கூட்டணி: ஸ்டாலின்-ஜி.கே.மணி சந்திப்பு

சென்னை: மக்களவைத் தேர்தலில் யாருடன் கூட்டணி என்ற சஸ்பெண்சை பாமக நீடித்து வரும் நிலையில் அக் கட்சியின் தலைவர் ஜி.கே.மணி திடீரென அமைச்சர் ஸ்டாலினை சந்தித்துப் பேசியுள்ளார்.

பாமகவுடன் காங்கிரஸ் தரப்பில் கூட்டணி குறித்து பேசப்பட்டு வருவதாக தமிழக காங்கிரஸ் தலைவர் தங்கபாலு கூறியிருந்தார்.

அதே நேரத்தில் கூட்டணி குறித்து பாமகவினரும் எங்களைத் தொடர்பு கொள்ளவில்லை, நாங்களும் அவர்களுடன் பேசவில்லை என்று முதல்வர் கருணாநிதி காலையில் கூறிய நிலையில் மாலையில் திமுக தேர்தல் குழுத் தலைவரான அமைச்சர் ஸ்டாலினை மணி சந்தித்துப் பேசினார்.

அப்போது பாமகவுக்கு 6 தொகுதிகள் தருவதாக ஸ்டாலின் கூற, 7 தொகுதிகள் கேட்டுள்ளது பாமக.

இந்தப் பேச்சுவார்த்தை மூலம் திமுக-காங்கிரஸ் கூட்டணியில் பாமக இணையும் வாய்ப்பு அதிகரித்துள்ளது.