மக்களவை தொகுதி அறிமுகம்-24: திருச்சி
மலைக்கோட்டை மாநகரமான திருச்சி, தமிழகத்தின் பாரம்பரியமான தொகுதிகளில் ஒன்று.
இத்தொகுதியின் தற்போதைய சட்டசபைத் தொகுதிகள் -
ஸ்ரீரங்கம், திருச்சி மேற்கு, திருச்சி கிழக்கு, திருவெறும்பூர், கந்தர்வக்கோட்டை (தனி), புதுக்கோட்டை.
இதற்கு முன்பு திருச்சி தொகுதியில், முசிறி, லால்குடி, ஸ்ரீரங்கம், திருச்சி1, திருச்சி2, திருவெறும்பூர் ஆகியவை இருந்தன.
தற்போது திருச்சி 1, 2 ஆகியவை திருச்சி கிழக்கு, மேற்கு என மாறி விட்டது. கந்தர்வக்கோட்டை (தனி) புதிதாக வந்துள்ளது. லால்குடி, முசிறி போய் விட்டது. புதுக்கோட்டை இணைந்துள்ளது.
இங்கு அதிமுக, காங்கிரஸ், இந்திய கம்யூனிஸ்ட், பாஜக, திமுக, மதிமுக ஆகியவை வென்றுள்ளன.
தொழிலாளர்களின் வாக்கு வங்கி சற்று பலமாக உள்ள தமிழக தொகுதிகளில் திருச்சியும் ஒன்று.
சட்டசபைத் தொகுதிகளைப் பொறுத்தமட்டில்,
ஸ்ரீரங்கம் தொகுதியில் அதிமுகவைச் சேர்ந்த பரஞ்சோதியும், புதுக்கோட்டையில் அதிமுகவைச் சேர்ந்த நெடுஞ்செழியனும், முசிறியில் திமுகவின் செல்வராஜும், லால்குடியில் திமுகவின் செளந்தரபாண்டியனும், திருச்சி 1 தொகுதியில் திமுகவின் அன்பில் பெரியசாமியும், திருச்சி 2ல் திமுகவின் கே.என். நேருவும், திருவெறும்பூரில் திமுகவைச் சேர்ந்த சேகரனும் உறுப்பினர்களாக உள்ளனர்.
கடந்த தேர்தல் நிலவரம்
எல்.கணேசன் (மதிமுக) - 4,50,907.
பரஞ்சோதி (அதிமுக) - 2,34,182
வெற்றி வித்தியாசம் - 2,16,725 வாக்குகள்.
இதுவரை எம்.பி. ஆக இருந்தவர்கள்
1951 - மதுரம் - சுயேச்சை.
1957 - எம்.கே.எம். அப்துல் சலாம் - காங்.
1962 - அனந்த நம்பியார் - சிபிஐ
1967 - அனந்த நம்பியார் - சிபிஐ
1971 - எம்.கல்யாணசுந்தரம் -சிபிஐ
1977 - எம்.கல்யாணசுந்தரம் -சிபிஐ
1980 - செல்வராஜு - திமுக
1984 - அடைக்கலராஜ் - காங்.
1989 - அடைக்கலராஜ் - காங்.
1991 - அடைக்கலராஜ் - காங்.
1996 - அடைக்கலராஜ் - தமாகா.
1998 - ரங்கராஜன் குமாரமங்கலம் - பாஜக
1999 - ரங்கராஜன் குமாரமங்கலம் - பாஜக
2004 - எல்.கணேசன் - மதிமுக.
முதல் தேர்தல்
நடந்த ஆண்டு - 1951.
வென்றவர் - மதுரம் (சுயேச்சை).