தேர்தல் விதி: ரத்தான பாமக முஸ்லீம் மாநாடு

சென்னை: தேர்தல் நடத்தை விதி மீறலாகி விடும் என்பதால் கடைசி நேரத்தில் பாமக ஏற்பாடு செய்திருந்த முஸ்லீம் மாநாடு ரத்து செய்யப்பட்டது.

முஸ்லீம் சமுதாயத்தினர் மத்தியில் பாமக குறித்த விழிப்புணர்வை உருவாக்குவதற்காக பாமக சார்பில் முஸ்லீம் சமுதாயத்தினருக்கான மாநாடு ஒன்றுக்கு சென்னையில் ஏற்பாடு செய்யப்பட்டிருந்தது.

ஆனால் இந்த மாநாட்டை நடத்தக் கூடாது. மதத்தை தேர்தல் பிரசாரத்திற்குப் பயன்படுத்தும் செயலாகும் இது. எனவே இதை ரத்து செய்ய வேண்டும் என்று தேர்தல் ஆணையத்திலிருந்து பாமகவுக்கு கடிதம் போனது.

இதையடுத்து கடைசி நேரத்தில் மாநாட்டை பாமக ரத்து செய்து விட்டது.