எதிர்ப்பாளர்களுக்கு சீட் இல்லாமல் செய்த மோடி

டெல்லி: குஜராத மாநிலத்தில் பாஜக போட்டியிடும் தொகுதிகளுக்கான வேட்பாளர் பட்டியல் வெளியிடப்படடுள்ளது. இதில் மோடி எதிர்ப்பாளர்கள் 6 பேருக்கு சீட் கிடைக்கவில்லை.

இந்த ஆறு பேரும் தற்போது எம்.பிக்களாக இருப்பவர்கள் ஆவர்.

கடந்த சட்டசபைத் தேர்தலின்போது இவர்கள் அனைவரும் மோடிக்கு எதிராக தீவிரமாக குரல் கொடுத்தவர்கள் என்பது குறிப்பிடத்தக்கது. இதனை மனதில் வைத்து இவர்களுக்கு சீட் கிடைக்காமல் செய்து விட்டார் மோடி.

கதாவி (கட்ச்), சோமாபாய் படேல் (சுரேந்திர நகர்), கன்ஷிராம் ராணா (சூரத்), வல்லபாய் கத்திரியா (ராஜ்கோட்), ஹரிலால் படேல் (போர்பந்தர்), ஜெயா பென் தாக்கர் (வதோதரா) ஆகியோரே சீட் மறுக்கப்பட்டவர்கள்.

அதேசமயம், தற்போது எம்.பிக்களாக உள்ள 2 பேருக்கு சீட் கிடைத்துள்ளது. அவர்கள் ஹரின் பதக் (அகமதாபாத்), மன்சுக்பாய் வாசவா (பரூச்). காந்திநகர் தொகுதியில் அத்வானி போட்டியிடுகிறார்.

நேற்று 22 வேட்பாளர்களை பாஜக அறிவித்தது. இன்னும் 4 தொகுதிகளுக்கு வேட்பாளர்களை அறிவிக்க வேண்டியுள்ளது.