மக்களவை தொகுதி அறிமுகம்-28: மயிலாடுதுறை

மயிலாடுதுறை: காவிரி டெல்டா மாவட்டத் தொகுதிகளில் ஒன்று மயிலாடுதுறை. இந்த தொகுதியில் விவசாயிகள் மற்றும் விவசாய தொழிலாளர்கள் அதிக அளவில் உள்ளனர்.

மயிலாடுதுறை லோக்சபா தொகுதியில் முன்பு
கும்பகோணம், திருவிடைமருதூர், குத்தாலம், மயிலாடுதுறை, சீர்காழி (தனி), பூம்புகார் ஆகிய 6 சட்டசபை தொகுதிகள் இடம் பெற்றிருந்தன.

தொகுதி மறு சீரமைப்புக்கு பின்பு கும்பகோணம், திருவிடைமருதூர், மயிலாடுதுறை, சீர்காழி , பூம்புகார், பாபநாசம் ஆகிய 6 தொகுதிகள் இடம் பெற்றுள்ளன.

இதில் கும்பகோணம், திருவிடைமருதூர், பாபாநாசம் ஆகிய சட்டசபை தொகுதிகள் தஞ்சை மாவட்டத்தில் உள்ளது.

அதே போன்று, மயிலாடுதுறை, சீர்காழி, பூம்புகார் ஆகிய சட்டசபை தொகுதிகள் நாகை மாவட்டத்தில் அமைந்துள்ளன.

தொகுதி மறு சீரமைப்பு மூலம் குத்தாலம் தொகுதி நீக்கப்பட்டு அதற்கு பதில் பாபநாசம் தொகுதி சேர்க்கப்பட்டுள்ளது.

மயிலாடுதுறை காங்கிரஸ் கோட்டைகளில் ஒன்று. காங்கிரஸ் கட்சி இங்கு அதிக அளவாக 11 முறை வெற்றி பெற்றுள்ளது. திமுக இரண்டு முறை வெற்றி பெற்றுள்ளது.

இத்தொகுதியின் தற்போதைய எம்.பியான மணிசங்கர அய்யர், மத்திய அமைச்சராக உள்ளார்.

கடந்த தேர்தல் நிலவரம்

மணிசங்கர அய்யர் (காங்கிரஸ்) - 4,11,160
ஓ.எஸ்.மணியன் (அதிமுக) - 2,15,469
வெற்றி வித்தியாசம் - 1,95,691 வாக்குகள்.

இதுவரை எம்.பி. ஆக இருந்தவர்கள்

1980 - குடந்தை ராமலிங்கம் - காங்கிரஸ்
1984 - பக்கீர் முகம்மது - காங்கிரஸ்
1989 - பக்கீர் முகம்மது - காங்கிரஸ்
1991 - மணிசங்கர் அய்யர் - காங்கிரஸ்
1996 - சி.வி.ராஜேந்திரன் - காங்கிரஸ்
1998 - கிருஷ்ணமூர்த்தி - காங்கிரஸ்
1999 - மணிசங்கர் அய்யர் - காங்கிரஸ்
2004 - மணிசங்கர் அய்யர் - காங்கிரஸ்