அசாருதீனை ராஜஸ்தானி்ல் நிறுத்தும் காங்கிரஸ்!

டெல்லி: வரும் மக்களவைத் தேர்தலில் காங்கிரஸ் சார்பில் இந்திய கிரிக்கெட் அணியின் முன்னாள் கேப்டன் அசாருதீன் ராஜஸ்தான் மாநிலத்தில் போட்டியிடலாம் என்று தெரிகிறது.

சூதாட்ட புகாரில் சிக்கியதால் அசாரின் கிரிக்கெட் வாழ்வு முடிவுக்கு வந்தது. இந் நிலையில் சமீபத்தில் இவர் காங்கிரஸ் கட்சியில் இணைந்தார்.

ஹைதராபாத்தை சேர்ந்தவரான அஸார் ஆந்திராவில் ஏதாவது ஒரு தொகுதியில் போட்டியிடலாம் என்று எதிர்பார்க்கப்பட்டது. ஆனால், ஆந்திர மாநில காங்கிரஸ் வேட்பாளர் பட்டியலில் அசாருதீன் பெயர் இடம் பெறவில்லை

அவரை ராஜஸ்தானில் நிறுத்த காங்கிரஸ் தலைமை திட்டமிட்டுள்ளதாகத் தெரிகிறது.

அங்கு அவருக்கு வெற்றி வாய்ப்புள்ள முஸ்லீம்கள் நிறைந்த 2 தொகுதிகள் அடையாளம் காணப்பட்டுள்ளன. இந்த வார இறுதியில் ராஜஸ்தான் மாநில வேட்பாளர் பட்டியலை காங்கிரஸ் வெளியிடவுள்ளது.

அதில் அசார் பெயர் இடம் பெறுவது உறுதி என்கின்றனர்.