சோனியா-ராகுலை எதிர்த்து பாஜக புதுமுகங்கள்

டெல்லி: காங்கிரஸ் தலைவர் சோனியா காந்தி மற்றும் பொதுச் செயலாளர் ராகுல் காந்தி ஆகியோருக்கு எதிராக புதுமுக வேட்பாளர்களை பாஜக அறிவித்துள்ளது.

உ.பி. மாநிலம் ரேபரேலி தொகுதியில் போட்டியிடுகிறார் சோனியா. அதேபோல அமேதி தொகுதியில் ராகுல் நிற்கிறார்.

இவர்களுக்கு எதிராக பாஜக பலமே இல்லாத இரு வேட்பாளர்களை அறிவித்துள்ளது. இருவரும் புதுமுகங்கள்.

ரேபரேலி தொகுதி வேட்பாளராக அம் மாவட்ட பா.ஜ.க தலைவர் ராகேஷ் பகதூர் சிங் அறிவிக்கப்பட்டுள்ளார்.

மகன் ராகுல் காந்தி போட்டியிடும் அமேதி தொகுதி வேட்பாளராக பிரதீப்சிங் அறிவிக்கப்பட்டுள்ளார்.

இரு வேட்பாளர்களும் புதுமுகங்கள் ஆவர். இந்த பட்டியலுடன் சேர்த்து, இதுவரை 350 பா.ஜனதா வேட்பாளர்கள் அறிவிக்கப்பட்டுள்ளனர்.

வழக்கம்போல இந்த வேட்பாளர் பட்டியல் வெளியீட்டின்போதும் அருண் ஜேட்லி பங்கேற்கவில்லை.