சென்னை டூ பெங்களூர், கோவை-சிறப்பு ரயில்கள்

சென்னை: கோடை காலத்தை முன்னிட்டு சென்னையிலிருந்து பெங்களூர், கோவைக்கு சிறப்பு ரயில்கள் இயக்கப்படவுள்ளன.

இது தொடர்பாக தெற்கு ரயில்வே வெளியிட்டுள்ள செய்திக் குறிப்பு:

கோடை காலத்தை முன்னிட்டு சென்னை சென்ட்ரலில் இருந்து பெங்களூர், கோவைக்கு சிறப்பு ரயில்கள் இயக்கப்படுகின்றன.
சென்ட்ரலில் இருந்து பெங்களூருக்கு ஏப்ரல் 12, 19, 26, மே 3, 10, 17, 24, 31, ஜூன் 7, 14, 21, 28 ஆகிய தேதிகளில் சிறப்பு ரயில் (எண்-0635) இயக்கப்படும். இந்த ரயில் இரவு 11.30 மணிக்கு சென்னையில் இருந்து புறப்பட்டு மறுநாள் காலை 7.30 மணிக்கு பெங்களூரை சென்றடையும்.

பெங்களூரில் இருந்து ஏப்ரல் 13, 20, 27 மே 4, 11, 18, 25 ஜூன் 1, 8, 15, 22, 29 ஆகிய தேதிகளில் சிறப்பு ரயில் (எண்-0636) இரவு 11 மணிக்கு புறப்பட்டு மறுநாள் காலை 5.15 மணிக்கு சென்னை சென்ட்ரலை வந்தடையும்.

கோவைக்கு...:

அதே போல் சென்ட்ரலில் இருந்து கோவைக்கு ஏப்ரல் 2, 9, 16, 23, 30, மே 7, 14 21, 28 ஆகிய தேதிகளில் சிறப்பு ரயில் (எண்-0651) இயக்கப்படும்.

சென்ட்ரலில் இருந்து காலை 9 மணிக்கு புறப்படும் இந்த ரயில் மாலை 5.15 மணிக்கு கோவையை சென்றடையும். கோவையில் இருந்து ஏப்ரல் 2, 9, 16, 23, 30 மே 7, 14, 21, 28 ஆகிய தேதிகளில் இரவு 9.15 மணிக்கு இந்த சிறப்பு ரயில் (எண்-0652) புறப்பட்டு மறுநாள் காலை 5.15 மணிக்கு சென்ட்ரலை வந்தடையும்.

இன்று முதல் இந்த சிறப்பு ரயில்களுக்கான முன்பதிவு தொடங்குகிறது என்று கூறப்பட்டுள்ளது.