மலப்புரத்தில் இ.அகமது வேட்பு மனு தாக்கல்

மலப்புரம்: மத்திய வெளியுறவுத்துறை இணை அமைச்சரும், இந்திய யூனியன் முஸ்லீம் லீக் தலைவருமான இ.அகமது, மலப்புரம் தொகுதியில், வேட்பு மனு தாக்கல் செய்தார்.

அதேபோல கேரள மாநில முஸ்லீம் லீக் செயலாளரும், முன்னாள் அமைச்சருமான முகம்மது பஷீரும் வேட்பு மனுத் தாக்கல் செய்துள்ளார்.

கேரளாவில் 16 மக்களவைத் தொகுதிகளுக்கும் ஏப்ரல் 16ம் தேதி வாக்குப் பதிவு நடைபெறுகிறது.

இதில் மலப்புரம் தொகுதியில் இ. அகமது போட்டியிடுகிறார். முகம்மது பஷீர், பொன்னானி தொகுதியில் போட்டியிடுகிறார்.

எர்ணாகுளம் தொகுதியில், கே.பி.தாமஸ் போட்டியிடுகிறார். அனைவரும் வேட்பு மனு தாக்கல் செய்துள்ளனர்.