கிரிமினல் வேட்பாளர்களை அறிய வெப்சைட்!

டெல்லி: குற்றப் பின்னணி கொண்ட வேட்பாளர்கள் யார் யார் என்பதை வாக்காளர்களுக்கு தெரிவிக்கும் வகையில் அவர்களின் கிரிமினல் ரெக்கார்ட் உள்ளி்ட்டவற்றுடன் கூடிய இணையதளம் ஒன்று தொடங்கப்பட்டுள்ளது.

அந்த அருமையான தளத்தின் பெயர் www.nocriminals.org

டெல்லியைச் சேர்ந்த பொது நலன் அறக்கட்டளை என்ற அமைப்பு இந்த இணையதளத்தை ஆரம்பித்துள்ளது.

இந்த அமைப்பு கிரிமினல் பின்னணி கொண்ட வேட்பாளர்களுக்கு வாக்களிக்காதீர்கள் என பிரசாரம் செய்து வருகிறது. அதன் ஒரு பகுதியாக இந்த இணையதளத்தைத் தொடங்கியுள்ளனர்.

அதில், குற்றப் பின்னணி கொண்டவர்களுக்கு சீட் தரக் கூடாது என்று அரசியல் கட்சிகளுக்கு கோரிக்கை விடுக்கப்பட்டுள்ளது.

மேலும், வேட்பாளரின் குற்றப் பின்னணி குறித்த தகவல்களையும் இந்த இணையத்தில் போட்டு வைத்துள்ளனர்.

வேட்பாளர்களின் பெயர், தொகுதி உள்ளிட்டவற்றை இடுகையிட்டு கேட்டால் அவரது பின்னணித் தகவல்களை இந்த இணையதளம் தருகிறது.