அதிமுக கூட்டணிக்கு பாமக வருவதற்கு சிபிஎம் வரவேற்பு

சென்னை: அதிமுக கூட்டணியில் சேர பாமக முடிவு செய்திருப்பதை மார்க்சிஸ்ட் கம்யூனிஸ்ட் கட்சி வரவேற்பதாக அக்கட்சியின் மாநிலச் செயலாளர் வரதராஜன் தெரிவித்துள்ளார்.

இதுதொடர்பாக அவர் விடுத்துள்ள அறிக்கையில்,

நடைபெறவுள்ள பாராளுமன்ற தேர்தலில் தமிழகத்தில் அ.தி.மு.க.வுடன் கூட்டணி சேர்ந்து போட்டியிட பா.ம.க. பொதுக்குழு பெருவாரியாக முடிவெடுத்திருப்பதை மார்க்சிஸ்ட் கம்யூனிஸ்டு கட்சியின் தமிழ்நாடு மாநில செயற்குழு வரவேற்கிறது.

பா.ம.க.வின் இந்த முடிவு வரவேற்கத்தக்கது. அவர்களுக்கு பாராட்டுக்களை தெரிவித்துக்கொள்கிறோம்.

பா.ம.க.வின் இந்த முடிவு அகில இந்திய அரசியலில் காங்கிரஸ் மற்றும் பா.ஜ.க. தலைமையில் உள்ள இரு கூட்டணிகளுக்கு மாற்றாக இடதுசாரி மற்றும் மதசார்பற்ற கட்சிகள் சார்ந்த வளர்ந்து வரக்கூடிய மூன்றாவது அணிக்கு ஆக்கமும், ஊக்கமும், தரக்கூடிய முடிவாகும் என்று தெரிவித்துள்ளார்.