திருச்சி தேமுதிக வேட்பாளர் விஜயக்குமார் பயோடேட்டா

திருச்சி: தேமுதிக சார்பில் போட்டியிடும் திருச்சி வேட்பாளர் விஜயக்குமார், பொதுப்பணித்துறை காண்டிராக்டர் ஆவார்.

40 வயதாகும் விஜயக்குமார், லாரி உரிமையாளரும் கூட. 2001ம் ஆண்டு திருச்சி மாநகராட்சித் தேர்தலி்ல 26வது வார்டில் போட்டியிட்டு தோல்வியுற்றார். அந்த வார்டில் வெற்றி பெற்றவர்தான் இப்போது மாநகராட்சி துணை மேயராக இருக்கிறார்.

தேமுதிக இளைஞர் அணிச் செயலாளர் சுதீஷின் நம்பிக்கையைப் பெற்றவர். அவர் மூலம்தான் விஜயக்குமாருக்கு சீட் கிடைத்துள்ளதாக தெரிகிறது.

சுறுசுறுப்பாக பணியாற்றும் குணமுடையவர் விஜயக்குமார். திருச்சி எம்.பியாக தேர்வு செய்யப்பட்டால் என்ன செய்வீர்கள் என்ற கேள்விக்கு திருச்சி அரசு மருத்துவமனையை சூப்பர் ஸ்பெஷாலிட்டி மருத்துவமனையாக மாற்ற முயற்சிகள் செய்வேன்.

திருச்சி சந்திப்பு பகுதியில், பாலம் கட்டுவேன். புதுக்கோட்டை அரசு மருத்துவமனையை தரம் உயர்த்தப் பாடுபடுவேன். கந்தர்வக்கோட்டையில் முந்திரி ஆலையை கொண்டு வருவேன் என்கிறார் ஆர்வத்துடன்.