திமுக-முஸ்லீம் லீக் இடையே தொகுதி உடன்பாடு
சென்னை: திமுகவுடன் தொகுதி உடன்பாடு எட்டப்பட்டு விட்டது. திமுக கூட்டணிக்கு 40 இடங்களிலும் அமோக வெற்றி கிடைக்கும். இது உறுதி என்று இந்திய யூனியன் முஸ்லீம் லீக் தலைவர் காதர் மொய்தீன் கூறியுள்ளார்.
திமுக கூட்டணியில் இடம் பெற்றுள்ள இந்திய யூனியன் முஸ்லீம் லீக் கட்சிக்கும், திமுகவுக்கும் இடையே இன்று தொகுதிப் பங்கீடு குறித்து பேச்சுவார்த்தை நடைபெற்றது.
இந்தப் பேச்சுவார்த்தையில், ஸ்டாலின் தலைமையிலான திமுக குழுவும், காதர் மொய்தீன் தலைமையில், அப்துல் ரகுமான் ஆகியோரும் கலந்து கொண்டனர்.
கூட்டத்திற்குப் பின்னர் காதர் மொய்தீன் செய்தியாளர்களிடம் பேசுகையில், இந்திய யூனியன் முஸ்லீம் கட்சி சார்பாக முதல்வர் கருணாநிதியிடம் வைக்கப்பட்ட அனைத்து கோரிக்கைகளும் ஏற்றுக் கொள்ளப்பட்டிருக்கிற திருப்தி எங்களுக்கு கிடைத்திருக்கிறது.
இன்றைய பேச்சுவார்த்தையில் சுமூக முடிவு எட்டப்பட்டு விட்டது.
தேர்தலில் திமுக கூட்டணி அனைத்து தொகுதிகளிலும் அமோக வெற்றி பெறும் என்பதில் சந்தேகம் இல்லை என்றார் அவர்.