அன்புமணி, வேலு ராஜினாமா - சந்திக்க மறுத்தார் சோனியா

டெல்லி: மத்திய அமைச்சர் பதவிகளை அன்புமணி ராமதாஸும், ஆர்.வேலுவும் நேற்று மாலை ராஜினாமா செய்தனர்.

திமுக கூட்டணியில் சேராமல் அதிமுக கூட்டணி அமைத்துள்ளது பாமக. இதையடுத்து மத்திய அமைச்சரவையில் இடம் பெற்றுள்ள பாமகவைச் சேர்ந்த அன்புமணி ராமதாஸும், வேலுவும் தங்களது பதவிகளை ராஜினாமா செய்வார்கள் என அறிவிக்கப்பட்டது.

அதன்படி இருவரும் நேற்று இருவரும் டெல்லி சென்றனர். மாலையில் பிரதமர் மன்மோகன் சிங்கை சந்தித்து தத்தமது ராஜினாமா கடிதங்களை வழங்கினர்.

சந்திக்க சோனியா மறுப்பு ...

பின்னர் காங்கிரஸ் தலைவர் சோனியா காந்தியை சந்திக்க அன்புமணி திட்டமிட்டிருந்தார். ஆனால் அவரை சந்திக்க விருப்பமில்லை என்று சோனியா காந்தி கூறி விட்டதாக தெரிகிறது.

இதனால் சோனியாவை சந்திக்கும் திட்டத்தைக் கைவிட்டு விட்டார் அன்புமணி.