கிருஷ்ணகிரி தேமுதிக வேட்பாளராகப் போட்டியிடும் முன்னாள் ஆசிரியர்

கிருஷ்ணகிரி: முன்னாள் ஆசிரியரான பி.டி.அன்பரசன், கிருஷ்ணகிரி வேட்பாளராக தேமுதிக சார்பில் போட்டியிடுகிறார்.

கிருஷ்ணகிரி மாவட்டம் போலுப்பள்ளி கிராமத்தைச் சேர்ந்தவர் அன்பரசன். 44 வயதாகும் இவர், மாவட்ட இளைஞர் அணிச் செயலாளராக இருக்கிறார்.

அரசு ஆசிரியராகப் பணியாற்றியவர். எம்.எஸ்.சி, எம்.எட் படித்தவர். கொங்கு வேளாளர் பிரிவைச் சேர்ந்தவர்.

ஆசிரியராகப் பணியாற்றியபோது ஊர் மக்களிடம் நற்பெயர் சம்பாதித்தவர்.

விஜயகாந்த் மீது கொண்ட ஈடுபாடு காரணமாக தேமுதிகவில் இணைந்தவர்.

விஜயகாந்த்தின் செல்வாக்கும், தேமுதிகவுக்கு மக்களிடையே இருக்கும் அபார நம்பிக்கையும் தன்னை வெற்றி பெற வைக்கும் என்று நம்புகிறார் அன்பரசன்.