தென் சென்னை தேமுதிக வேட்பாளர் கோபிநாத் தொழிலதிபர்

சென்னை: தென் சென்னை தொகுதியில் தேமுதிக சார்பில் போட்டியிடும் கோபிநாத் ஒரு தொழிலதிபர் ஆவார்.

தேமுதிக போட்டியிடும் தென் சென்னையில் 37 வயதாகும் கோபிநாத் வேட்பாளராக அறிவிக்கப்பட்டுள்ளார். இவர் பி.டெக் படித்தவர். இங்கல்ல, லண்டனில்.

திருமணமான கோபிநாத், அடையாரில் தோல் பொருள் ஏற்றுமதி நிறுவனத்தை நடத்தி வருகிறார். அதே பகுதியில் உள்ள காமராஜ் அவென்யூவில் குடும்பத்தினருடன் வசித்து வருகிறார்.

தொழிலதிபராக இருப்பதால் திமுக, அதிமுக அணிகளுக்கு இணையாக செலவழித்து பிரசாரம் செய்ய முடியும் என்ற நம்பிக்கையில் உள்ள கோபிநாத், தனக்கு இப்பகுதியில் உள்ள நற்பெயர் வாக்குகளைப் பெற்றுத் தரும் கூடவே, கேப்டனுக்கு உள்ள செல்வாக்கு தன்னை உயர்த்தும் என்றும் நம்பிக்கை தெரிவித்துள்ளார்.