கருணாநிதியுடன்-எஸ்வி சேகர் சந்திப்பு: திமுகவுக்கு பிரச்சாரம்?

சென்னை: பிராமணர்களுக்கு 7 சதவீத இட ஒதுக்கீடு வழங்க வேண்டும் என்று கோரி முதல்வர் கருணாநிதியை சந்தித்து மனு கொடுத்தார் அதிமுக அதிருப்தி எம்எல்ஏவான நடிகர் எஸ்.வி.சேகர்.

கோபாலபுரத்தில் உள்ள முதல்வர் கருணாநிதியின் இல்லத்தில் அவரை இன்று சந்தித்தார் சேகர். லட்சக்கணக்கான பிராமணர்கள் வறுமையில் வாடுவதாகவும் அவர்களுக்கு இட ஒதுக்கீடு வழங்க வேண்டும் என்றும் அவர் கோரிக்கை வைத்தார்.

தனது கோரிக்கையை பரிசீலிப்பதாக முதல்வர் கூறியதாகத் தெரிவித்த சேகர் தனது ஆதரவாளர்களுடன் கலந்து பேசிவிட்டு தனது எம்எல்ஏ பதவியை ராஜினாமா செய்யப் போவதாக அறிவித்தார்.

இந்தச் சந்திப்பையடுத்து திமுகவை ஆதரித்து வரும் மக்களவைத் தேர்தலில் சேகர் பிரச்சாரம் செய்வார் என்று தெரிகிறது.