தேமுதிக 4வது பட்டியல்-மாஜி அமைச்சருக்கு டிக்கெட்

சென்னை: 10 வேட்பாளர்கள் அடங்கிய நான்காவது வேட்பாளர் பட்டியலை தேமுதிக தலைவர் விஜயகாந்த் இன்று வெளியிட்டார்.

மாஜி அதிமுக அமைச்சர் தாமோதரனுக்கு கடலூரில் சீட் தரப்பட்டுள்ளது.

நேற்று வரை 23 தொகுதிகளுக்கான வேட்பாளர் பட்டியலை விஜயகாந்த் வெளியிட்டிருந்தார். இந்த நிலையில் இன்று மேலும் 10 வேட்பாளர்கள் பெயர்களை விஜயகாந்த் அறிவித்துள்ளார்.

இதுதொடர்பாக விஜயகாந்த் பெயரில் வெளியான அறிக்கையில் கூறப்பட்டுள்ளதாவது ..

திருவள்ளூர் (தனி) - சுரேஷ்.
மத்திய சென்னை - வி.வி.ராமகிருஷ்ணன்.
காஞ்சீபுரம் (தனி) - தமிழ்வேந்தன்.
கடலூர் - முன்னாள் அமைச்சர் தாமோதரன்.
நீலகிரி (தனி) - செல்வராஜ்.
கோவை - பாண்டியன்.
சிதம்பரம் (தனி) - சபா சசிகுமார்.
மயிலாடுதுறை - ஜி.கே.பாண்டியன்.
நாகப்பட்டினம் (தனி) - மகா.முத்துக்குமார்.
புதுச்சேரி - கே.ஏ.யூ. அசனா.

கடந்த 2001ம் ஆண்டு ஜெயலலிதா மீண்டும் ஆட்சிக்கு வந்த போது அவரது அமைச்சரவையில் இடம் பெற்றிருந்தவர் தாமோதரன்.

சமீபத்தில் அவர் தேமுதிகவில் இணைந்தார். இந்த நிலையில், கடலூர் தொகுதியில் தற்போது அவருக்கு போட்டியிட விஜயகாந்த் வாய்ப்பளித்துள்ளார்.

இந்தப் பட்டியலையும் சேர்த்து தற்போது 33 வேட்பாளர்கள் பெயர்களை விஜயகாந்த் அறிவித்துள்ளார். இன்னும் 7 வேட்பாளர்கள் மட்டுமே அறிவிக்கப்பட வேண்டியுள்ளது.