ரியல் எஸ்டேட் உரிமையாளர் நாகை தேமுதிக வேட்பாளர்

நாகை: ரியல் எஸ்டேட் தொழிலை முதன்மையாக பார்த்து வரும் திருத்துறைப் பூண்டியைச் சேர்ந்த மகா. முத்துக்குமார், நாகை தொகுதி தேமுதிக வேட்பாளராக களம் புகுந்துள்ளார்.

36 வயதே ஆகும் முத்துக்குமார் பி.ஏ. படித்த பட்டதாரி. திருவாரூர் மாவட்டம் திருத்துறைப்பூண்டி அருகே உள்ள மடப்புரம் கிராமத்தைச் சேர்ந்தவர்.

இவரது முதன்மைத் தொழில் ரியல் எஸ்டேட். அதில் கிடைத்த பெயருடன் விஜயகாந்த்தின் தேமுதிகவில் இணைந்தார். தற்போது திருத்துறைப்பூண்டி ஒன்றியச் செயலாளராக இருக்கிறார்.

ரியல் எஸ்டேட்டில் இருப்பதால் நாகை தொகுதி முழுக்க இவருக்கு அத்துப்படியாம்.

தனக்காக நிறையப் பேர் வாக்கு சேகரித்து வருவதாக கூறும் முத்துக்குமார், விஜயகாந்த்தின் பிரசாரம் தனக்கு கூடுதல் பலத்தைத் தரும், நிறைய வாக்காளர்களை கவர்ந்திழுக்கும் என்ற நம்பிக்கையுடன் உள்ளார்.

திமுக, அதிமுகவுக்கு இணையாக பிரசாரத்தில் தூள் கிளப்பும் திட்டமும் இவரிடம் உள்ளதாம்.