காஞ்சியை தேமுதிகவுக்காக வெல்வாரா தமிழ்வேந்தன்?

காஞ்சிபுரம்: காஞ்சிபுரம் தனி தொகுதியின் தேமுதிக வேட்பாளராக களம் காண்கிறார் து. தமிழ்வேந்தன்.

உத்திரமேரூர் அருகே உள்ள ஆலஞ்சேரி கிராமத்தைச் சேர்ந்தவர் தமிழ்வேந்தன். தேமுதிக மாவட்ட இளைஞர் அணிச் செயலாளராக இருக்கிறார்.

விவசாயமும், ரியல் எஸ்டேட்டும் இவரது தொழிலகள். கல்யாணத்திற்குத் தயாராகும் புதுப் பெண்ணின் பூரிப்புதான் அனைத்து தேமுதிக வேட்பாளர்களிடமும் உள்ளதைப் போல தமிழ்வேந்தனிடமும் உள்ளது.

இருப்பினும் கேப்டனின் கரத்தை வலுப்படுத்த காஞ்சிபுரம் தொகுதியில் வெற்றி பதிப்போம், சரித்திரம் படைப்போம் என்கிறார் தமிழ்வேந்தன்.

கிராமம் கிராமமாக எளிமையான முறையில் பிரசாரம் செய்யத் திட்டமிட்டுள்ளார். விஜயகாந்த் பிரசாரம் செய்த பின்னர் பிரசாரம் மேலும் தீவிரமடையும் என்ற நம்பிக்கையில் உள்ளார்.