சென்ட்ரல் வங்கி 0.5%வட்டி குறைப்பு!

மும்பை: இந்திய ரிசர்வ் வங்கியிடம் தங்களுக்கான சலுகைகளைப் பெறுவதில் மிகுந்த முனைப்பு காட்டும் வங்கிகள், ரிசர்வ் வங்கி அறிவித்த வட்டிக் குறைப்புகளைச் செய்வதில் மட்டும் அளவுக்கதிகமான தாமதம் காட்டி வருகின்றன.

முன்னணி பொதுத்துறை வங்கியான சென்ட்ரல் வங்கி, தனது பிரைம் லெண்டிங் ரேட் எனப்படும் முதன்மை கடன் வழங்கல் வட்டியை 12.50 சதவீதத்திலிருந்து 12 சதவீதமாக்கியுள்ளது. அதாவது அரை சதவீதம் மட்டும் குறைத்துள்ளது என்பது குறிப்பிடத்தக்கது.

ஆனால் ரிசர்வ் வங்கி உத்தரவுப்படி மேலும் 3 சதவீதம் வரை இந்த வணிக வங்கிகள் வட்டிக் குறைப்பை அறிவிக்க வேண்டும்.

இந்நிலையில், மேலும் புதிய வட்டிக் குறைப்புச் சலுகைகளை அறிவிக்க உள்ளது ரிசர்வ் வங்கி. நாளையோ அல்லது சில தினங்கள் கழித்தோ இதற்கான அறிவிப்புகள் வரக்கூடும் ரிசர்வ் வங்கி அதிகாரிகள் இன்று தெரிவித்துள்ளனர்.

நேற்று முன் தினம் பிரதமர் மன்மோகன்சிங்கும் இதுபற்றி குறிப்பிட்டிருந்தது நினைவிருக்கலாம்.