தங்கம் விலை ரூ.200 குறைந்தது!

சென்னை: தங்கத்தின் விலையில் கடந்த இரு தினங்களாக திடீர் சரிவு ஏற்பட்டுள்ளது. நேற்று ஒரே நாளில் பவுனுக்கு ரூ.200 குறைந்தது.

சென்னையில் வெள்ளிக்கிழமை ஆபரணத் தங்கத்தின் (22 காரட்) விலை ஒரு பவுன் ரூ.11,064 (வியாழக்கிழமை விலை ரூ.11,264) என விற்பனை செய்யப்பட்டது. ஒரு கிராம் ரூ. 1,383.

நேற்று முன் தினமும் தங்கத்தின் விலை சவரனுக்கு ரூ.90 குறைந்தது குறிப்பிடத்தக்கது.

இந்த ஒரு வாரகாலமாக சர்வதேச பங்குச் சந்தை மீண்டும் சூடுபிடித்திருப்பதாலும், அமெரிக்காவில் மீண்டும் பொருளாதார மீட்சிக்கான அறிகுறிகள் தெரியத் துவங்கிவிட்டதாலும் தங்கத்தில் முதலீடு செய்வது குறைந்துள்ளது.

தங்கம் விலை குறைய இதுவும் ஒரு முக்கிய காரணம் என்கிறார்கள் வர்த்தகர்கள்.