பிரபாகரனின் லிமோசின் கார் ராணுவம் வசம்

கொழும்பு: விடுதலைப் புலிகள் இயக்கத் தலைவர் பிரபாகரன் பயன்படுத்தியதாக கூறப்படும் கார் ஒன்றை கைப்பற்றியுள்ளதாக இலங்கை ராணுவம் கூறியுள்ளது.

குண்டு துளைக்காத இந்தக் கார் சேதமடைந்த நிலையில் கண்டுபிடிக்கப்பட்டுள்ளது. ராணுவத்தின் 58வது பிரிவு படையினர் புதுக்குடியிருப்புப் பகுதியில் தேடுதல் வேட்டையில் ஈடுபட்டிருந்தபோது இந்தக் கார் சிக்கியதாம்.

பிரபாகரன் இந்தக் காரைத்தான் பயன்படுத்தி வந்ததாக ராணுவம் கூறுகிறது. ஒரு பங்களாவுக்கு அருகே இந்தக் கார் நின்றிருந்ததாக ராணுவம் கூறுகிறது.

இந்தக் காருக்கு அருகில் மேலும் நான்கு கார்கள் எரிந்த நிலையில் காணப்பட்டன. இவற்றையும் ராணுவம் மீட்டுள்ளது.

விடுதலைப் புலிகளே இந்தக் கார்களை தீவைத்துக் கொளுத்தியிருக்கலாம் எனவும் ராணுவம் கூறுகிறது.