அண்ணாவின் நண்பரின் புதல்வர் வட சென்னை திமுக வேட்பாளர்

சென்னை: மிசா காலத்தில் சிறையில் பல்வேறு சித்திரவதைளுக்கு ஆளானவர், திமுகவின் நிறுவனர்களில் ஒருவரான டி.கே.சீனிவாசனின் புதல்வர், டி.கே.எஸ். இளங்கோவன். முதல் முறையாக தேர்தலில் போட்டியிடுகிறார்.

எம்.ஏ. படித்துள்ள டி.கே.எஸ். இளங்கோவன், 1954ம் ஆண்டு தஞ்சையில் பிறந்தார். தந்தை டி.கே.சீனிவாசன், தாயார் சரஸ்வதி. நளினி என்ற மனைவியும், மாதவி, தரணி என இரு மகள்கள் உள்ளனர்.

இந்தியன் ஓவர்சீஸ் வங்கியில் வேலை பார்த்து வந்தவர் இளங்கோவன். ஆனால் திமுகவின் கொள்கைகள் ஈர்த்ததால் அதில் இணைந்தார். ஆரம்பத்தில் திமுக மாணவர் அணியில் செயல்பட்டார்.

அப்போது மிசா சட்டத்தின் கீழ் கைதாகி சிறையி்ல் கொடுமைகளைச் சந்தித்தார்.

பின்னர் திமுகவில் தலைமை நிலைய செயலாளராக இருந்தார். தற்போது அமைப்புச் செயலாளராக பதவி வகித்து வருகிறார்.

முதல் முறையாக தேர்தலில் போட்டியிடுகிறார்.