பொருளியல் அறிஞர் ராஜா செல்லையா மரணம்

சென்னை: பிரபல பொருளாதார அறிஞர் ராஜா செல்லையா சென்னையில் செவ்வாய்க்கிழமை காலமானார். அவருக்கு வயது 86.

1922, டிசம்பர் 12-ம் தேதி பிறந்த செல்லையா, சென்னைப் பல்கலைக் கழகத்தில் முதுகலை பொருளியல் முடித்தார்.

அமெரிக்காவின் பிட்ஸ்பர்க் பல்கலைக்கழகத்தில் பொருளியலில் முனைவர் பட்டம் பெற்றவர். இந்தியப் பொருளாதாரத்தில் வரிச் சீரமைப்புக்கு வித்திட்ட பொருளாதார அறிஞர் அவர். 1991-93-ல் இந்திய வரி சீரமைப்புக் கமிட்டிக்கு தலைவராகவும் இருந்தார். 2007-ல் அவருக்கு பத்ம விபூஷன் வழங்கப்பட்டது.

தேசிய பொது நிதி மற்றும் கொள்கை கல்வி நிறுவனத்தை நிறுவன இயக்குநர் ராஜா செல்லையா. அவருக்கு மனைவியும் இரு மகள்களும் உள்ளனர்.