கெளடா சொத்து: பழைய அம்பாசடர்!

ஹாசன்: கர்நாடக மாநிலம் ஹாசன் தொகுதியில் போட்டியிடும் முன்னாள் பிரதமர் தேவெ கெளடாவிடம் ரூ. 15,000 பெறுமானமுள்ள பழைய அம்பாசடர் கார் உள்பட ரூ. 50 லட்சம் மதிப்புள்ள சொத்து இருப்பதாக தெரிவிக்கப்பட்டுள்ளது.

வேட்பு மனுவுடன் சேர்த்து கெளடா தாக்கல் செய்துள்ள சொத்துக் கணக்கில் இந்த விவரம் தெரிவிக்கப்பட்டுள்ளது. அதன் விவரம்..

சென்னாம்பிகா என்டர்பிரைசஸ் நிறுவனத்திலும், கன்னட திரைப்பட தயாரிப்பு நிறுவனத்திலும் ரூ.20.64 லட்சம் முதலீடு.

ரூ.17.59 லட்சம் மதிப்புள்ள விவசாய நிலங்கள். வங்கி இருப்பு ரூ.5.3 லட்சம்.

1974-ம் ஆண்டு மாடல் அம்பாசிடர் கார். இதன் தற்போதைய மதிப்பு ரூ.15 ஆயிரம்.

2004-ம் ஆண்டு மாடல் காரின் மதிப்பு ரூ.4.80 லட்சம் எனத் தெரிவிக்கப்பட்டுள்ளது.