அதிமுக Vs காங்: 11 இடங்களில் நேருக்கு நேர் மோதல்

By Staff

Published: Thursday, April 9, 2009, 15:57 [IST]

சென்னை: வரும் மக்களவைத் தேர்தலில் தமிழகத்தில் 11 தொகுதிகளில் அதிமுகவும் காங்கிரசும் நேரடியாக மோதுகின்றன.

திமுக கூட்டணியில் இடம் பெற்றுள்ள காங்கிரசுக்கு 16 இடங்கள் ஒதுக்கப்பட்டுள்ளன. இதில் 11 இடங்களில் தனது வேட்பாளரை களமிறக்கியுள்ளார் ஜெயலலிதா.

திமுகவுடன் அதிமுக 10 இடங்களில் தான் நேரடியாக மோதுகிறது. ஆனால் காங்கிரசுடன் 11 இடங்களில் மோதுகிறது.

இலங்கை விவகாரத்தில் காங்கிரசுக்கு தமிழகம் முழுவதும் நிலவி வரும் கெட்ட பெயரை மனதில் வைத்தே அவர்கள் போட்டியிடும் பெரும்பாலான தொகுதிகளில் தனது வேட்பாளர்களையே ஜெயலலிதா நிறுத்தியதாகக் கருதப்படுகிறது.

இந்த நேரடி மோதல் நடக்கும் தொகுதிகள்:

1. காஞ்சிபுரம் (தனி)
2. ஆரணி
3. சேலம்
4. திருப்பூர்
5. திண்டுக்கல்
6. திருச்சி
7. கடலூர்
8. மயிலாடுதுறை
9. சிவகங்கை
10. தேனி
11. நெல்லை

காங்கிரஸ் இன்னும் வேட்பாளர்களை அறிவிக்காத நிலையில் இந்தத் தொகுதிகளுக்கு வேட்பாளர் பட்டியலை அதிமுக அறிவித்துவிட்டது.