எல்ஜி, செஞ்சி, கண்ணப்பனுக்கு 'இதயத்தி்ல் இடம்'!

சென்னை: திமுகவில் சீட் கிடைக்கும் என்று எதிர்பார்தது ஏமாந்து போய் முதல்வர் கருணாநிதியின் இதயத்தில் மட்டும் இடம் பிடித்துள்ளனர் மதிமுகவிலிருந்து தாவி வந்த தலைவர்கள்.

போட்டி மதிமுக நடத்திக் கொண்டு எம்பிக்களாக இருந்த எல்.கணேசன், செஞ்சி ராமச்சந்திரன் ஆகியோரும், மதிமுக அவைத் தலைவராக இருந்த எம்எல்ஏ மு.கண்ணப்பனும், எம்எல்ஏ கம்பம் ராமகிருஷ்ணனும் அடுத்தடுத்து திமுகவுக்குத் தாவினர்.

இதில் எல்.ஜி. திருச்சி தொகுதிக்கும், செஞ்சி ராமச்சந்திரன் கடலூர் தொகுதிக்கும் துண்டைப் போட்டுப் பார்த்தனர்.

ஆனால் இதில் எல்.கண்சனுக்கு திமுக தேர்தல் பணிக்குழுத் தலைவர் என்ற ஒரு பதவி உருவாக்கப்பட்டு தரப்பட்டதே தவிர சீட் தரப்படவில்லை. அதே போல செஞ்சியாருக்கும் ஏமாற்றமே.

அதே போல கண்ணப்பன் பொள்ளாச்சியையும் ராமகிருஷ்ணன் தேனியையும் குறி வைத்தனர். ஆனால், பிரச்சாரம் செய்யும் வாய்ப்போடு முதல்வர் கருணாநிதியின் இதயத்தில் பெரிய இடம் கிடைத்துள்ளது.