விழுப்புரத்தில் காங்கிரஸ் பிரசார பேனர் அகற்றம்

விழுப்புரம்: விழுப்புரத்தில் வைக்கப்பட்டிருந்த காங்கிரஸ் கட்சியின் தேர்தல் டிஜிட்டல் விளம்பர பேனரை வருவாய் துறையினர் அதிரடியாக அகற்றினர்.

வரும் நாடாளுமன்ற தேர்தலை முன்னிட்டு, தேர்தல் நன்னடத்தை விதிகள் அமலில் உள்ளது. இந்த நிலையில், விழுப்புரம் வீரவாழியம்மன் கோவில் அருகே காங்கிரஸ் கட்சி சார்பில் தேர்தல் குறித்து பெரிய டிஜிட்டல் விளம்பர பேனர் வைக்கப்பட்டிருந்தது.

கோயில் மற்றும் மத வழிபாடுகள் அருகே தேர்தல் சம்பந்தப்பட்ட விளம்பர பேனர்கள் வைக்கப்பட கூடாது என்பது தேர்தல் விதி.

இதனால், அந்த பேனரை அகற்றுமாறு அக் கட்சியினருக்கு வருவாய்த்துறையினர் எச்சரிக்கை விடுத்தனர். ஆனால் இது பற்றி காங்கிரஸ் கட்சியனிர் கண்டு கொள்ளவில்லை.

எச்சரிக்கை விடுத்தும், பேனர் அகற்றப்படாமல் இருந்ததை கண்டு அதிர்ச்சி அடைந்த வருவாய் ஆய்வாளர் குணசேகரன் மற்றும் ஊழியர்கள் போலீசாரின் உதவியுடன் டிஜிட்டல் பேனரை அதிரடியாக அகற்றினார்கள்.