மயிலாடுதுறை-அய்யரை வெல்வாரா ஓ.எஸ்.மணியன்?

மயிலாடுதுறை: அதிமுகவின் ஓ.எஸ்.மணியனும், காங்கிரஸின் மணிசங்கர அய்யரும் மீண்டும் ஒரு முறை மயிலாடுதுறை தேர்தல் களத்தில் சந்திக்கின்றனர்.

நாகை மாவட்டம் வேதாரண்யம் அருகே உள்ள ஓரடியம்பலம் கிராமத்தைச் சேர்ந்தவர் மணியன். முக்குலத்தோர் பிரிவைச் சேர்ந்தவர்.

சசிகலாவின் ஆதரவைப் பெற்றவர். ராஜ்யசபா எம்.பியாக இருந்துள்ளார்.

பி.யூ.சி. வரை படித்துள்ள இவர், மணிசங்கர அய்யரை எதிர்த்து 2வது முறையாக போட்டியிடுகிறார்.

கடந்த முறையும் அய்யருடன் மோதினார் மணியன். ஆனால் வெற்றி கிடைத்தது அய்யருக்கே. இந்த நிலையில் மீண்டும் அய்யரை எதிர்த்து மணியனையே களத்தில் இறக்கியுள்ளார் ஜெயலலிதா.

அய்யருடன் தேர்தல் களத்தில் மட்டுமல்லாமல், 'நேரடியாகவும் மோதிய' பெருமைக்குரியவர் மணியன் என்பது குறிப்பிடத்தக்கது.