காஞ்சி: திமுகவில் எம்எல்ஏ-அதிமுக எம்பியாவாரா?

காஞ்சிபுரம்: முன்னாள் திமுக அமைச்சரான டாக்டர் ராமகிருஷ்ணன், அதிமுக வேட்பாளராக காஞ்சிபுரத்தில் களம் இறக்கப்பட்டுள்ளார்.

காஞ்சிபுரம் மாவட்டம் பெரும்பாக்கம் கிராமத்தைச் சேர்ந்தவர் டாக்டர் ராமகிருஷ்ணன். மதுராந்தகத்தில் மருத்துவமனை நடத்தி வருகிறார்.

சசிகலாவின் உறவுக்காரரான டாக்டர் வெங்கடேஷின் நெருங்கிய நண்பர். இதன் மூலமாகவே இவருக்கு சீட் கிடைத்தது.

இவர் முன்பு திமுகவில் இருந்தவர். 1989ம் ஆண்டு அச்சிருப்பாக்கம் தொகுதியில் திமுக சார்பில் வென்று ஆதி திராவிடர் நலத்துறை அமைச்சராகவும் இருந்தார்.

பின்னர் திமுகவிலிருந்து விலகி அதிமுகவில் இணைந்தார். 1991ம் ஆண்டு அச்சிருப்பாக்கம் தொகுதியில் மீண்டும் போட்டியிட்டு வெற்றி பெற்றார்.

காஞ்சீபுரம் கிழக்கு மாவட்ட அ.தி.மு.க. மருத்துவரணி செயலாளராக இருக்கிறார். ராஜேஸ்வரி என்ற மனைவியும், ஜெபராணி, ஜெயகிருபா என்ற மகள்களும் உள்ளனர்.